Hato ka mini secretariat ha Jowai ka dei tang ka jingpynbiej ong ka JNC

Syllad | The Rising MeghalayaJuly 22, 2023

Ka Jaintia National Council (JNC) hadien ka jingkren u Myntri Rangbah ka Jylla u Conrad Sangma halor ka jingiakhih ki ACHIK ban dawa winter capital da kaba ong ba ka lynti kaba jan tam kadei ka mini secretariat bad ia kane ka sorkar ka lah pynkhreh da kaba kham heh bad kham bha na ka bynta ban pynsuk iaki nong Garo.

Ka JNC kala pynkynmaw ba ha Jowai la dep plie paidbah ha u Nohprah 2022 mini secretariat (Integrated Development Complex ) ha Ladthadlaboh, Jowai, hynrei haduh mynta kam don kano kano ka dak ka shin ban sdang tei ia kane iing ban kynthup lang ia baroh ki ophis khamtam ia kiba shongwai. Ka JNC kala buh jingkylli, hato kane ka dei tang ka jingpynbiej?

Ka Jaintia haka revenue kaba pynioh bun tam ia ka Jylla, hynrei kaba sngewsih ka long ba maka kaba sahdien tam, kaba mut ba haduh mynta ka sorkar ka tip tang ban shim hynrei ban ai te em, ong u kyrwoh ka JNC.

Ka JNC kala pynkynmaw ruh ha kaba iadei bad ka ishu Iawmusiang building complex kaba dei ka mat jingdawa ba lah slem tam, ki jingmang pisa tyngka ki iaid na ka por sha ka por, hynrei ka sahkut hajuh.

Ka JNC kala dawa na ka sorkar ba ka dei ban pyndep iaki jingkular, da kaba pyndep noh kloi iaka Iawmusiang building complex, sdang noh ban shna iaka mini secretariat kumba la khlei haka por ba plie mawnongrim, ym tang ban pynbiej election iaki paidbah ne lehkai iaka pisa kaba dei hok jong u paidbah.