Hap ka trok 3rd Battalion sha riat, khlad u nongniah

Syllad | The Rising MeghalayaApril 13, 2021

Uwei u nongniah kali ka 3rd MLP Battalion (1st IRBN) Sahbsein, West Jaintia Hills District ula khlad hadien ba ka trok kaba u niah kala hap sha riat haka shnong Sohryngkham, East Khasi Hills District.

Une u nongniah kali jong ki shipai battalion udei u ma K Suchiang uba ju khot ieit Ma Suchiang.

Ka khubor kaba iohlum ba kane ka jingjia kala jia haka sngi ba Ar bad ym lah ban tip na kaei ka daw ba hap ka kali sha riat namar ba une u nongniah kali u don tang marwei. La iathuh ba u ma Suchiang ula khlad ha aspatal.

Une u nongniah kali ula wan pynhap rashon na Tura, West Garo Hills District bad ynda la wanphai u kit syndon bad ki maw block ban shna barrack ba sah shipai ha Sahbsein.