Haka jingdum shong ka shnong ha East Jaintia Hills, ujor ka MPUF sha ka MeECL

Syllad | The Rising MeghalayaAugust 12, 2020

Ka shnong Wah Shnong kaba hap hapoh ka shnong Mukha Ialong, East Jaintia Hills District kala hap ban shong haka jingdum mynta la shibnai lynter tang na ka daw bym lah ka MeECL ban maramot ia u transformer.

Ka Meghalaya People United Front-Mukhaialong San Shnong Circle haka jingialam u president bad u general Secretary u Juni Phawa bad u Ialamki Sana hadien ba kila ioh ka jingujor na u paidbah ka shnong leit ban ujor sha engineer ka MeECL, Moowakhu Khliehriat.

Halor kane ka jingduh utei u transformer u engineer ula ong ba la dep ban ujor sha Executive Engineer, Moowakhu. Tang shu ioh u transformer ba thymmai ka ophis kan bujli noh.

Ka MPUF kala kyntu iaka ophis ban bujli noh kloi khnang ba ki paidbah ba thang bording kin ioh myntoi.