Haduh 140 tylli ki mukotduma la pyniasuk ha ka National Lok Adalat ha ka Jylla

Syllad | The Rising MeghalayaMay 11, 2025

Baroh haduh 140 na ki 553 tylli ki mukotduma la lah ban pyniasuk ha kaba ka pisa baroh ka la kot sha ka T.1.21 klur ha ka National Lok Adalat ba la pynlong ha baroh ki district jong ka Jylla ha ka 10 tarik Jymmang.

Na ki 553 tylli ki mukotduma ba la shim ban pyniasuk, 270 tylli ki dei ki mukotduma shwa ban mudui bad 283 tylli ki dei ki mukotduma kiba dang sahteng.

Ia kane ka National Lok Adalat la pynlong da ka Meghalaya State Legal Services Authority (MSLSA) hapoh ka jingkyrshan bad ka jingialam jong u Chief Justice ka Iingkashari Meghalaya High Court u IP Mukerji bad u Justice HS Thangkhiew.

Kane ka long katkum u kyrwoh lyngba u Member Secretary ka MSLSA u Bah E Kharumnuid.