EJHDFA Super Division: Rung final ka Sutnga, jop ka Rymbai Iawpynsing iaka Khliehriat West haka eliminator

Syllad | The Rising MeghalayaDecember 9, 2023

Ka Sutnga SSCC ka la rung sha ka jingiakhun final hadien ba kala pynliem da 2-1 iaka Rymbai Shkenshynriah haka Super Division Football Tournament kaba pyniaid da ka East Jaintia Hills District Football Association (EJHDFA) kaba ha madan artificial turf Diengshynrum, Khliehriat haka sngi Saitjain.

Katba haka jingialehkai eliminator ne ka semifinal kaba ar, ka Rymbai Iawpynsing kala jop iaka Khliehriat West da 2-1.

Haba phai sha ka jingialehkai, ka Sutnga SSCC kaba la shah tam shakhmat ha kane ka jingialehkai da shikol kala khyrwit iaka kol jop ha ka minit kaba khatduh. Ia kine ki ar kol la thep lyngba u u Ioanis Suchen haka minit kaba 53′ bad u Ram Bareh haka minit kaba 90’+2. Na kaliang ka Rymbai Shkenshynriah la thep da u Ribhame Dkhar haka minit kaba 43′.

Haka jingiakhun semi Final kaba ar (Eliminator) ka Rymbai Iawpynsing ka la pynliem da 2-1 iaka Khliehriat West YWSC.

Na kaliang ka Rymbai Iawpynsing ia kine ki ar kol la thep da Phirip Lyngdoh haka minit kaba 56′ bad u Rimiki Rymbai haka minit kaba 67′. Katba na kaliang ka Khliehriat West YWSC la thep da u Raplangki Lyngdoh haka minit kaba 82′.

Ka jingiakhun semifinal kaba lai ne ka qualifier 2 kan long haka 12/12/2023 haka por 1.00 baje nohphai sngi hapdeng ka Rymbai Skhenshynriah SC pyrshah iaka Rymbai Iawpynsing SC. Ka resol kaba mih na kane ka jingialehkai kin iaknieh iaka nam lahduh haka 15 tarik Nohprah.