EJHDFA: Rung ka Hingaria sha ka semifinal Second Div, ka Moosiang Lamare & Tuber Shohshrieh sha ka quarterfinal Third Div

Syllad | The Rising MeghalayaSeptember 8, 2023

Ka Iatyllilang Hingaria kala lah ha kaban buh jaka ialade haka kyrdan semifinal haka lympung ialehkai 2nd Division Football Tournament ba la pyniaid da ka East Jaintia Hills District Football Association (EJHDFA).

Kane ka wan hadien ba ka Iatyllilang Hingaria ka la pynliem iaka Lakadong Umlatdoh SC haka jingiakhun quarterfinal kaba la long ha madan Artificial Turf kaba don haka Diengshynrum, Khliehriat haka sngi Palei.

Haka jingialehkai, ka jingiakhun ka la kut da ka jingiakhait kaba mar 1-1. Iaka shikol jong ka Lakadong Umlatdoh la thep da u Carius Pohtam (OG) 64 bad iaka kol jong ka Iatyllilang Hingaria la thep da u Seibor Pohtam 7’.

Hadien ba kine ki arliang mamla kila iakhaid la rah iaka jingialehkai shaka jingiashut penalty bad dei hangne ba ka Iatyllilang Hingaria kala pynliem iaka Lakadong Umlatdoh SC da 4-3.

Haka jingiakhun Third Division, ka Moosianglamare New bad ka Tuber Shohshrieh ki la khur jingjop bad kila lah ban buh jaka ialade haka quarterfinal.

Ka Moosianglamare New ka la pynliem da 3-1 Wahsanphaw Sohkymphor SSC, katba ka Tuber Shohshrieh ka la pynliem iaka Mookympad SC da 3-1 haka tie breaker.

Iaka kol jong ka Mookympad la thep da u Khotlang Syrti 7’ bad iaka kol jong ka Tubershohshrieh la thep da u Pidawan Bang 26’.

Iaki kol jong ka Moosianglamare New la thep da u Meban Nongtdu 21’, Nangjop Nongtdu 26’ bad u Ebor Nongtdu 53’. Shikol ka Wahsanphaw Sohkymphor la thep da u Mebantei Suchiang 42’.