EJHDFA: Jop ka Khliehriat West FC, iakhaid ka Chiehruphi bad ka Rymbai Synrang Shahkhain haka First Div Football

Syllad | The Rising MeghalayaSeptember 30, 2023

Ka Khliehriat West FC ka la khur jingjop katba ka Chiehruphi SYWSC bad ka Rymbai Synrang Shahkhain kila ia sam poin haka jingiakhun First Division Football Tournament kaba pyniaid daka East Jaintia Hills District Football Association (EJHDFA) ha madan artificial turf Diengshynrum haka sngi Thohdieng.

Ka Khliehriat West FC kala jop da 1-0 iaka Bataw YWSC. Ia kane ka kol la thep da u Mihlang Sutnga  69’.

Shuwa kane ka jingiakhun hadpeng ka Chiehruphi SYWSC pyrshah iaka Rymbai Synrang Shahkhain kala kut da 1-1.

Ka Chiehruphi kala ioh shuwa ban thep lyngba da u Defender Pajat 47’. Ka Rymbai Synrang Shahkhain kaba la wan nadien ka ioh iaka kabu ksiar ban tan kylla iaka jingialehkai sha kaba iakhaid lyngba ka kol kaba la thep u Richard Dkhar 83’.