EJHDFA: Jop ka Ehrang, R Shkenshynriah haka Under -16

Syllad | The Rising MeghalayaAugust 30, 2023

Ka Ehrang bad ka R Shkenshynriah kila khur namjop, katba ar tylli kiwei pat ki jingialehkai kila kut da kaba iakhaid haka Under-16 ka East Jaintia Hills District Football Association (EJHDFA) kaba long ha madan phlang plastic ha Diengshynrum haka sngi Balang.

Haka jingialehkai kaba nyngkong, ka jingiakhun ka la kut khlem da lah pynkhih jar hapdeng ka Umtyra SC bad ka Lad-Dongwah.

Haka jingiakhun kaba bud ka Ehrang SC ka la pynliem da 3-0 iaka Tangnub SC. Ïa kine ki kol la thep da u Mynjuri Byrloi 18′, u Savayus Masa 42′ & 48′.

Ka jingialehkai hadpeng ka Khliehriat HSS pyrshah iaka Nongthymme kala wai noh da kaba iakhaid mar 1-1.

Haka jingialehkai kaba khatduh jong ka sngi, ka R Shkenshynriah SC ka ka pynliem da 1- 0 iaka R Madanpynriang SC. Ia kane ka kol la thep da u Iaishah Bareh 17′ kaba mih paw haka dur jong ka penalty.