EJHDFA First Division Tournament: Jop ka Byndihati, iakhaid ka Pamrapaithlu bad ka Rymbai Pohskur  

Syllad | The Rising MeghalayaOctober 3, 2023

Ka kynhun ialehkai ka Byndihati kala jop da 1-0 iaka Lumputhoi, katba ka Pamrapaithlu kala iakhaid bad ka Rymbai Pohskur haka First Division Football kaba pyniaid daka East Jaintia Hills District Football Association (EJHDFA) kaba long ha madan phlang plastik ha Diengshynrum, Khliehriat haka sngi ba Ar.

Ia kane ka shikol ka Byndihati la thep da u Kyrshan Nongtdu 59′ bad kane ka kol kala neh haduh bala wai ka jingialehkai

Shuwa kane ka jingialehkai, ka jingiakhun hapdeng ka Pamrapaithlu SC pyrshah iaka Rymbai Pohskur kala kut khlem don mano mano ba ioh pynkhih jar.

Ka jingialehkai haka sngi Nyngkong, ka Wahiajer NYSSC kala jop da 2-0 iaka Musniang, katba ka Rangad SC kala iakhaid bad ka Lumshken SC khlem don mano mano ba ioh thep kol.