E nam ‘ Total Failure’ u Ma Vincent Pala ya ka sorkar wa yahkhmat ka NPP

Syllad | The Rising MeghalayaJanuary 9, 2024

U Ma Vincent H Pala u heh ka MPCC waman leh u MP Lok Sabha da bein joor u ya ka party NPP kam ka yahkhmat iong ka Sorkar MDA kawa heh du I ktien khlem da ye u leh yei kam kam wa da dep pynbna hei por elekshon wei da e nam u ya kani ka sorkar kam ka ‘Total Failure’.

Uni u heh ka Congress da ong u wa nadooh ka MDA-I hadooh ka MDA-II iyi iwa kular ki ym em u man kam I, yeini da kdaw nongmuna u dei wa ong kat kam I pynbna iong ki wa u e kreh ki cha ki 5 lak ngut ki bru tangwa hadooh katni tip da ye ki mo u thung kreh tang 1 lak ngut.

Chooh chooh kat kam ka Manifesto iong ki da kular ki ya ki kam wa yatoh wow Mooiong tangwa ym poi cheiwon cheiwon leh, mih pathan sadu ki Coke Factory kiwa dabooh hei ma ya ka rymaw wa ya ki bru wa em cha jan iong ki Coke Factory. Na kini ki Coke Plant, katne em ka Orange Festival, khlem soh, ong u MP.

Ini waroh yi mut I ladym toh ya ka poisa? Kat cha wa peit wa khyruin I roi I par ym ioo de deiwa toh rukom, ioo pathan sadu I chaktah chah pynjet pynpra iong ki thain West Khasi Hills wa Jaintia Hills.

Hajrong ini I leh ka NPP kam ka yahkhmat iong ka Sorkar MDA em u I kyrmen wa ki bru wa chongchnong ka Meghalaya daw kyllathiah kylladem ki yeini iyi iyi waroh wei u e jingsnein ki leh ya kani ka Sorkar nadooh ka Elekshon MP Lok Sabha.