Duna doktor ha Dawki PHC: JSU

Syllad | The Rising MeghalayaFebruary 28, 2022

Ki nongialam ka JSU mynta ka sngi kila leit ban iakynduh ia u DMHO, West Jaintia Hills District KC Ajar halor ka jingduna doktor ka Dawki PHC mynta la saw bnai eiei.

U Treibor R Suchen general secretary JSU, ula ong ba mynta ka PHC Dawki ka don tang u wei u Doktor bad la kumba saw bnai eiei mynta ka PHC Dawki ka duna Doktor hadien ba u wei na ki Doktor u la shah pynkynriah kam na kane ka PHC.

Une u nongialam ka JSU ula ong ba kane ka jngduna doktor ka PHC Dawki ka buh jingeh ia u paitbah ka thaiñ baroh kawei.

Ka JSU ka ong ba kane ka PHC ka donkam doktor ban peit iaki nongpang nalor ban pynbiang iaki jing donkam PHC namar ba kane ka PHC ki nongpang kiba wan ym tang na Dawki, Darrang hynrei na kiwei kiwei ki shnong kiba marjan.

Halor kane na kaliang u DMHO ula kular iaka JSU ban pynsngew ia kane ka sha ki bor ba halor ka tnad ka koit ka khiah bad ula ong ruh ba shitom bha ban pynbiang iaki doktor namar ka jingduna ha Jylla baroh kawei.