Duh bording kawei ka dong ha Khliehriat West, ujor ka EJNC

Syllad | The Rising MeghalayaFebruary 28, 2022

Ka EJNC Khliehriat Unit kala ujor sha u Executive Engineer bad SDO MeECL jong ka khliehriat Distribution Office halor ka jingduh bording ha kawei ka dong ha Khliehriat West kaba tip kum ka Dong Lum Siatthong.

Ka EJNC Khliehriat unit kala ujor haka 25 tarik une u bnai bad katkum ka ujor ka dei na ka daw ka jingduh u transformer bad katei ka dong kala shah ktah haka jinglip bording la bun bun sngi.

U Shanborlang Bamon bad Diamon Bareh ki nongialam ka EJNC kila iakynduh markhmat bad u SDO bad EE katei ka distribution bad dawa ban shna mar mar ia utei u transformer ban myntoi u paidbah kumjuh ki khynnah skul.

Ka khubor ka iathuh ba na kaliang ka MeECL kala pynkhreh ban wanrah ne bujli ia u transformer ban pynioh bording katei ka dong ha Khliehriat West.