Dawa u Mukul Sangma ban leh audit halor ki sainar bording ban iada na ka jingma

Syllad | The Rising MeghalayaMarch 13, 2025

U nongialam ka Liang Pyrshah u Mukul Sangma ha ka 12 tarik Lber u la dawa ban leh ia ka safety audit halor baroh ki lain pyniaid sainar bording khnang ban tehlakam halor ki jingjia shah bat bording ha ka jylla.

Haba pynpaw ka jingsngew khia halor kane ka phang ha ka kynta buh jingkylli, u Mukul u la dawa ia ka jingkular na ka liang ka sorkar ban pynthikna ba kan don ka safety audit halor baroh ki lain pyniaid sainar bording.

U la ong ba kane kan pynthikna halor ka jingshngain jong ki trai jaka bad ki nongrep namar la ju sakhi la bunsien ba kine ki dei ki jaka kiba ju jia ki jingshah bat bording. 

Haba jubab, u Myntri ka Tnad Bording u AT Mondal u la kular ban khmih halor kane ka bynta da kaba pyntip ba kin leh ia ka safety audit halor baroh ki lain pyniaid sainar bording.

Hashwa kane haba jubab ia ka jingkylli ba la wanrah da u MLA ka TMC u Rupa Marak, u Myntri u pyntip ba ki la don sawtylli ki jingjia shah bat bording hapoh Dadenggre Block ha kine ki shiphew snem kiba la leit noh.

“Ia baroh ki dkhot jong ki longiing jong ki lanot shah bat bording la siew ia ka bai lutksan kaba kot sha ka T.30 lak,” u la ong.

Nalor kata u Marak u la pyntip ruh hapoh ka iingdorbar ba ka la don ka jingjia shah bat bording hapoh ka constituency jong u ha kaba hadien phra snem la siew ia ka bai lutksan kaba long T.1 lak ha ka 3 tarik u Lber mynta u snem.

Halor kane u Myntri u la ong, “Hooid, ka dei ka jingshisha ngi la tohkit bniah halor kane ka jigjia ba balei kan shim por haduh katne bad nga kular ba kum kane kam dei basn wan jia shuh hadien habud.”