Dawa tohkit u Mukul halor ka kynnoh bamsap ban thied jaka na Mawpdang haduh 140 klur

Syllad | The Rising MeghalayaFebruary 22, 2023

U nongialam ka liang pyrshah bad ba dei ruh u Myntri Rangbah barim jong ka jylla u Dr Mukul  Sangma haka sngi ba Ar u la dawa ban thung da ka kynhun tohkit haba iadei bad ka kam thied jaka ha Mawpdang, kaba la mih ka syrwet jong ka  jyrsieh  bam sap pisa kaba kynjoh shaduh T 140 Klur.

 “Ka MDA kaba ngan jer kyrteng thymmai ia ka Meghalaya Deceitful Alliance sa shisien patka la don kti ha kaban tuih ban thiem ne kloh lut ia  ka spah bah ka jyllakaba ha kane ka kynti ha ka dur jong ka jingthied ia ka jaka kaba 807 akar ha Mawkhanmu ha ka shnong Mawpdang, kaba hangne ka sorkar bad ki Dalal ki la thied ia kane ka jaka, d akaba ki la tyhok bad shukor pat ia ki trai jaka bad ia ki paidbah jopng kane shnong da kaba kila tyhied tang ha ka dor kaba Rs 45 shi  square feet, katba  haba die shawei part ka long ha ka dor kaba of Rs 85 per square feet, la pynpaw u Dr MukulSangma haba kren sha ki lad pathaiu khubor mynta ka sngi ha shlem treikam ka party TMC ha Lower Lachumier.

 “Ia ka dor kamur jong kane ka jaka la shim rai pat ia ka da ka kynhun Myntri (Cabinet)  ha ka 4 tarik u bnbai Risaw, ha kaba u  Myntri  ba dei khmih ia ka tnat pynroi sor (Urban Affairs) u la wanrah ia ka maitphang halor jong kane  bad ba la pdiang bad  mynjur pat ia ka da ka tnat Department of Revenue. Halor jong kane, nga nud ba ngan kynnoh ba ki nong don kti ha kane ka kam ki long u Myntri Rangbah, u Revenue Minister bad u Uraban Affairs Minister, ha kaba ki la ia sylla ban leh ia kae ka kam ka bym hok ban tuh banlute ia ka jylla d akat kane ka spah bah kaba Rs 140 klur tyngka, kaba lehse kan jin da la biang palat ban ai wat sha kito ki trai jaka” la bynrap shuh shuhu Dr Mukul.

Haba pynrem jur ia kasorkar MDA hapoh ka jingialam ka jong u Conrad K Sangma, u Dr Mukul u la dawa  ba ka sorkar kmie ka dei ba kan khmih bniah ia kaneka kam.

 “Nga pynkynmaw ba ha kawei  na ki jingkren ialap election, u Myntri Kam pohiing  ka sorkar kmieu Amit Shah u la kynnoh beit plak ba ka Meghgalaya ka dei kaba bat ia ka kyrdan ba nyngkong ha ka liang ka jingbam sap, kaba nga sngew ban pynpaw ba kane ka dei kakyntien kaba la pynjah burom bha ia ka jylla bad ia u paidbah u jong ka, namar ka bamsap kam dei ka kaba ia imsngi da baroh,ne ba ki briew ka jylla kim dei kita ki khwan spah, hynrei nga kyntu pat ia u ba ha kane ka kynti u dei ba un shim khia bad ban leh eiei halor kane ka jingbam sap thied jaka d akaba dei ruh ban da thung da ka kynhun tohkit”la  ong u Dr Mukul.

U Dr Mukul u la ong ba kane ka jyrsieh bamsap thied jaka ka kren shai kdar ia katta ka jingrhah tyngka jong ka NPP-BJP, kaba shwa ia kine ki jyrsieh bamsap ki la kha roi  bha ha kae ka jylla kum ka Saubhagya, Smart Meter, bad ka jingkhyllem jong u tnum (Dome) jong ka Assembly .

 “Kane ka jyrsieh bamsap tyhied jaka , ka kren pawshai ia kaei kaba la jia ha ka jylla, kaba haduh katno ka bamsap  ka la pyndkoh wat ia ki ri jong ka pyrthei, kaba ha kum kane ka por,m nga kyntu ia ki paidbah ka jylla ba ka por ka la dei ba kin ia snoh kti lang kawang ban pyllait im ia la ka jong ka jylla na ki kti jong kita ki briew kiba la donkti ha kaban pynlong ia ka jylla kaban shah sin shah rngop kum ka NO-1 State ha ka liang ka Corruption” pynkut u Dr Mukul.