Dawa ka FKJGP ban shna thymmai iaka ïing skul sorkar haka shnong Padu Bah

Syllad | The Rising MeghalayaDecember 10, 2021

Ka Federation of Khasi Jaiñtia and Garo People (FKJGP) War Jaiñtia Circle kala dawa na ka tnad pule puthi ban maramot ne ban shna thymmai noh iaka skul Lower Primary Government School haka shnong Padu Bah.

U Bahshlur Mukhim president FKJGP War Jaintia Circle, K Khonglah Assistant General Secretary haka sngi Palei kila leit ban ïakynduh ba dai da ka dorkhat iaka DSEO WJHD ban dawa shna mardor iaka skul kaba la jot rathai.

“Kane kala skul ka dei kaba la rim bha kaba la kynjoh 65 snem bad kala jot naduh ki tin sop ki dieng bad ki kynroh kila pra bad kane ka iing skul ka dei ruh kaba pyndonkam kum ka polling station na ka bynta ki kam elekshon, hynrei la bunsnem la shu ieh khlem maramot,” la ong kine ki nongialam ka FKJGP.

Ka FKJGP kala kam ba naka liang ka DSEO kala kular ban shim khia halor katei ka kam ban wanrah da ka ïing skul kaba thymmai hapoh katei ka shnong.