Dawa pynshitom ka KSU bad JSU iaki doctor bad nurse halor ka jingkhlad ka longkmie ba armet ha MCH Jowai

Syllad | The Rising MeghalayaJune 5, 2025

Ka Jaintia Student’s Union (JSU) bad Khasi Student’s Union (KSU) West Jaintia Hills District Unit kila dawa mardor na ka sorkar ban pynshitom iaki doctor, nurse bad baroh ki nongtrei kiba don haka jingtrei ne duty ha ka por ba khlad ka longkmie kaba ar met ha MCH Hospital Jowai haka miet 4 tarik Jylliew.

Kane ka jingdawa kala wan long hadien ba kiba haiing ka longkmie kaba armet kila kynnoh ba ka jngkhlad jong ka bad I khun hapoh kpoh ka dei namar ka jingkhein sting ki doctor bad nurse ban pyndep iaka kamram kaba kadei ban leh.

Ka JSU bad ka KSU mar sien ioh jingtip halor ka jingkhlad noh ka longkmie armet ha hospital MCH hospital ha Panaliar Jowai kila leit mar mar sha katei ka hospital ban iakynduh iaki khlieh nongpyniaid kane ka jaka sumar.

Khlad ka longkmie bad I khun ha kpoh ha MCH Jowai, kynnoh kiba iing ba slem ioh jingsumar

U nongialam ka JSU Nielkee Mukhim ula ong ba lada kane ka Hospital sorkar kam lah ban shimkhia ia kino kino ki nongpang kiba la pdiang ban sumar, sngewbha wat nym pdiang nongpang namar ka pynsngewsih haba jia kum kine ki jingjia kat haduh ban duh noh iaki ar ki mynsiem tang namar ka jingkhein sting ki doktor bad ki nos katkum ka jingkynnoh ki ba haiing.

Katba u general secretary ka KSU West Jaintia Hills District Unit u Leningrad Tariang, ula ong ba ka seng kan iai buddien halor kane ka jingjia, namar kamdei ka sein kaba nyngkong ba kum kine ki jingjia kin jia hapoh kane ka hospital.