Dawa maramot ka HNYF ïaka Dawki PHC

Syllad | The Rising MeghalayaSeptember 2, 2021

Ka Hynñiewtrep National Youth Front (HNYF), Southern Riwar Circle haka sngi Palei kala ai dorkhat ha u Symbud Myntri Rangbah uba dei khmih ïaka tnad ka Koit ka Khiah Bah Prestone Tynsong ban dawa na u ban maramot iaka Dawki PHC kaba la donkam kyrkieh ban maramot.

U Tarson Lymba president HNYF Southern Riwar Circle ula ong ba dangshen kila wan jurip iaka Dawki PHC bad la iadonlang u Medical Health Officer Dawki PHC.

“La lap shibun ki jingduna jong ka building PHC, kum ha ka jingorpait, bad kumba ngi la tip ba ka surok bah kan ïaid lyngba jong kane ka Dawki PHC kaba pyntrei da ka company Japanese International Cooperation Agency (JICA). Kumta ngi wan ha khmat ka burom jong phi ban kyrpad bad ha ka juh ka por ban pynbor iaka tnad ka koit ka khiah kaba la khlieh da maphi ba phin sngewbha ban shna shuwa lane ban maramot shuwa iaka Hospital naka bynta ka jingbha jingmiat jong u ba bun ba lang hapoh ka thain, namar lada ki pynpra shuwa iaka PHC Dawki shibun ki jingeh ki paidbah ka thain kiba shem jingeh khamtam ha kum kane ka por ba wan lynsher ka jingpang khlam COVID-19,” la ong ka dorkhat kaba la ai ka HNYF sha u Symbud Myntri Rangbah ka Jylla.