Dawa ka JSM ban thung MO bad kiwei ki jingdonkam ha Iooksi PHC

Syllad | The Rising MeghalayaJune 9, 2021

Ka Jaiñtia Student Movement (JSM), Saphai Unit kala dawa na ka tnad ka koit ka khiah ka jylla ban thung Medical and Health Officer (MO) ha Iooksi PHC haka sngi Balang.

Nalor ka jingdawa thung MO, ka JSM kala dawa ruh ban buh sa kawei ka ambulance ban kit iaki nongpang khamtam ki longkmie armet bad khynnah na katei ka jaka sumar sha Jowai kaba jngai 60 KM. Ka JSM kala dawa ruh ban buh ruh iaka generator namar ba kiba bun ki khep ka thain ha Iooksi ka thud ka bording kaba ktah iaka jingai jingshakri ka PHC.

Shuh shuh kiwei kiwei ki jingdawa kala long ban buh iaka X Ray bad ban pynbiang iaka umbam umdih ka PHC.

Ia kane ka dorkhat ka JSM la ai da u president bad secretary Saphai Unit u Ribok Biam bad Ladalangmi Passah sha u Myntri ka tnad ka koit ka khiah lyngba u Deputy Commissioner, West Jaintia Hills.