Daw pynman biang ka Seiñraij Ionglwit ya ka yakob Miat Kynthai yong uni u snem

Syllad | The Rising MeghalayaDecember 18, 2023

Ka Seiñraij Ionglwit, West Jaiñtia Hills da pyntip ko ya ki khon ka Nongjngi Circle waroh kawi wa daw pynman ko ya ka yakob miat kynthai kawa tip leh kam ka 5th Beauty Contest ha ka 30 Kmaichonglad (Dec) 2023  heipor 6:30 i janmeit.

Ya kani ka yakob u pynman ha Madan Jyrkhla Ionglwit kam ka dak wow lehwarom ya ka sngi khlaad u Woh Kiang Nangbah u khlawait ka jaitbru Pnar.

U General Secretary yong ka Seiñraij Ionglwit Nongjngi, u Precioustone Rumut da pynip u ha kani ka sngi daw em leh ki chaad tynre wa ka Fancy Dress yong ki khynnah kiwa hapoh 15 snem kam wow pynwyrngia ya kiwa paitke.

Katwa kamtæ ka Seiñraij Ionglwit da khut ko ya waroh ki khon khyllood ka thaiñ Nongjngi wow wan chimbynta ha kani ka yakob miat kynthai wa san yong ka Seiñraij Ionglwit, Nongjngi.

Neiliang ka Seiñraij Ionglwit da ong ko “Ngait skem i wa lyngba i chimbynta yong phi ki khon khyllood u man kani ka yakob kawa phooh waphieñ wei kawa jop.”

Ki khusnaam ya kiwa yoh ya i naam jop man ki kamni hawah:
Winner- T. 12,000
1st Runner Up- T. 7000
2nd Runner Up- T. 5,000

Ka bai chimbynta u man ko T. 200.

Ya ki yutip wa bniah ye u Phone ha kini ki Number: 9366546739 / 8837071932.