Da u khaw pan ki nongbylla haka jaka T.1000 naka sorkar

Syllad | The Rising MeghalayaMarch 24, 2020

Ka synjuk jong ka All Jaiñtia Muster Roll Workers Labour Union Jowai kala kyrpad na u Myntri Rangbah ka Jylla ban ai ei da u khaw, dai, shini, mluh sha baroh ki nongtrei bylla kiba la pynrung kyrteng hapoh ka Meghalaya Building and Other Construction Workers’ Welfare Board (MB&OCWB)  jong ka tnad Labour.

U President ka synjuk u KL Pariat ula thoh da ka appeal sha u Myntri Rangbah ka Jylla ba kan long ka jingkyrkhu, lada ka sorkar haka jaka ka pisa kan ai da ki mar rashon ia baroh ki nongbylla kiba la register ialade haka MB&OCWB ha kum kane ka por ba khang khyrdep iaka Jylla ban iakhun pyrshah ïa u khniang COVID-19.

Kane ka synjuk kala ïaroh ruh ïaka sorkar jylla kaba la pynbna ba ki nongtrei bylla kiba la register ialade kin ioh T.1000 shi taiew ha kum kane ka por ba khang khyrdep iaka dukan u dukdoh ban iakhun ban pyndkut ia u kynjri jingiabit u khniang COVID-19. Kane ka synjuk kala pynpaw ba kine kiba ioh jingrap naka sorkar ki dei tang kyndiat ngut, katba kiwei ruh ki donkam ka jingiarap naka sorkar.

La kyntu ruh ban ai rashon ei ia baroh kiba don card rashon ban pynjem iaka jinglynga pisa jong baroh.