Da ki tyndong lyer oxygen concentrator yn iarap ka JHDS iaki nongpang COVID-19

Syllad | The Rising MeghalayaAugust 16, 2021

Ka Jaintia Hills Development Society (JHDS) ryngkat bad ka jingiatreilang bad ka Caritas India kin iarap ia ki padibah kiba iabit jingpang khlam COVID-19 da ki lai tylli ki Oxygen Concentrators.

Ia kine ki tyndong lyer oxygen la pyllait paidbah ha ophis jong ka JHDS ha Bishop’s House Jowai haka jingiadonlang u Rev. Fr. Ferdinand Dkhar, Diocesan Administrator, jong ka Diocese Jowai, Fr. Manbha Pakem, Director JHDS bad kiwei kiwei.

Ia kine ki Oxygen Concentrators la bei pisa da ka Caritas Germany kum shibynta ban ialeh pyrshah ia ka jingpang Covid-19.

Ka JHDS kala ong ba kino kino kiba iabit ia ka jingpang COVID-19 lane kino kino ki nongpang kiba donkam oxygen khlem da donkam ban siew ki lah ban phone ha u Fr Manbha Pakem Director (M) 7005843513, u ma Denis Kurkalang (Coordinator) (M) 8837275908.