Da ki sopti ai sngewbha ka Sarot I Man haka shnong ka Lumlakhiat, pynsngewthuh halor ka shongkha khynnah

Syllad | The Rising MeghalayaDecember 7, 2024

Ka Sarot I Man ka kynhun jong ki 11 ngut shi paralok kumba ju leh man la u snem shuwa ka lynkhuh snem kala ai sngewbha da ki sopti sha ki nongshong shnong ka Lumlakhiat ka shnong  hap sha ki thain khappud Assam Meghalaya.

Ia kine ki jingai sngewbha ka Sarot I Man la aiti haka 7 tarik u Nohprah.

Shuwa ban sam kala don ka jingialang kaba lyngkot kaba pyniaid da u Waheh Chnong LumLakhiat u Ma Edward Chadap. Hadien pat la aiti ha u Ma Mariabud Paswet u dkhot ka Sarot I Man ban btentg iaka jingialang

La ioh ka jingpynithuh iaki dkhot bad ka kynhun jong ka Sarot I Man lyngba u Ma u Riquoma Rq. Laloo bad ka jingnguh blei na u Ma Kyllimot Lhuid bad pynbud sa ka jingkren na u Jait dao Sumer uba la iathuh iaka jingsdang kane ka kynhun

Ula iathuh iaki jingtreikam ka Sarot I Man kynthup iaka jingai snam sngewbha jong ki dkhot ban pynim bad iarap ia kiba donkam kyrkieh iaka snam haba pang shitom Jowai Blood Bank Centre.

Shuh shuh la ioh ruh iaka jingkren na u Ma Barleemoore Shilla uba pynshai halor ka jingkongsan ka mariang, ka shongkha khynnah bad ka jingkordor ki kmie ki kpa. Ula banjur ban kiar na ka jingshongkha khynnah kaba ktah iaka longiing sem kiba bun naduh ka koit ka khiah, ka ioh ka kot, ka jingsuk jingkmen bad suk ka sain ka iing ka sem. Ula iathuh ba wat ka sorkar ruh kala buh iaka rta kata 18 snem shaneng iaki kynthei bad 21 ia u shynrang.

La ioh iaki kyntien ai khublei na ka Head Teacher Lumlakhiat Government L.P. School, Ka kong Chindarish Sumer.

Ka Sarot I Man kala pyntip ruh ba ha une u snem kan pynlong iaka Blood Donation Camp ha ka 20.12.2024 haka 10.30am ha Jowai Civil Hospital Blood Bank, Panaliar Jowai. Kumta ka khot ka wer ia  baroh ban iashimbynta ha kane ka jingai snam sngewbha ban iarap ia kiba shitom saja.