Da ka sports meet yn pynlong ka ICYM ha Jowai

Syllad | The Rising MeghalayaOctober 12, 2021

Ka Indian Catholic Youth Movement (ICYM), Jowai Diocese kan pynlong iaka Annual Sports Meet 2021 haka 15 bad 16 tarik une u bnai ha Kiang Nangbah Stadium, Jowai.

Ka ICYM Jowai Diocese kala khot wer ia baroh ki samla ka balang Catholic ki ba hap hapoh ka Jowai Diocese ban wan ia shim bynta lang ha kane ka annual sports meet.

Ka ICYM kala ong ba kane ka dei ka sien kaba nyngkong ba kan pynlong ia kane ka sports ha kawei ka jaka bad ha ki snem kiba la dep la pynlong hala ki jong ki ha ki parish.

Ka ICYM ha kane ka lympung kan wanrah iaki coach kiba paw haka jylla ban wan sakhi ia kane ka lympung naduh ka jingialehkai Football, Basketball bad Athletic bad ka ICYM ka kyrmen ba ka jingiadonlang ki coach ba paw ka jylla kan plie lad plie lynti ia ki players ki ba trei shitom bad ba don sap ban nang kiew ha ki kam ialehkai.

Shuh shuh ka ICYM kan jied ruh iaki player kiba tbit sha ka jingialehkai paralok bad ki club ba paw haka jylla bad la kyntu ia baroh ki samla Catholic ki ba don ka sap bad ka jingthrang ban kiew ha ki kam ialehkai ban ym pynsepei ia kane ka kabu ksiar. La kyntu ia baroh ki samla ki ba wan ban iashim bynta ha kane ka jingialehkai ba kidei ban kynmaw ban bud ki kyndon jong ka sorkar ban bud iaki adong adit COVID-19.