Da ka pisa kyrshan ki nongshong shnong ka Loompyrdi Iongpiah sha ka ASHA

Syllad | The Rising MeghalayaJune 13, 2021

Ki ar ngut ki nongshong shnong ka Loompyrdi Iongpiah kila kyrshan da ka pisa sha ka nongtrei ASHA, kaba hap haka Chutwakhu Urban PHC, Jowai kaba peit iaka shnong Loompyrdi Iongpiah.

Kine ki ar ngut ki nongshong shnong kiba kyrshan ia kane ka ASHA ki dei ka Kong Ribiang Najiar bad u PynsakhiatÏeini Kyndiah kiba kila aiti iaka pisa T.13 hajar haka jingialang kaba pyniaid da ka dorbar shnong Loopyrdi Iongpiah haka sngi Robibar.

Kumban shu iathuh ba ki ASHA haman ki shnong ki thaw ki dei ki briew ba hakhmat duh ba shim iaka jingkitkhlieh ban ai ka jingshakri ia ki paidbah na ka bynta ban pynthikna ba ki nongshong shnong ki ioh iaka koit ka khiah kumjuh ban pynthikna ruh ba ki khyllung khynnah bad ki longkmie ba ar met kin ioh iaki jingiada bad ban ioh iaki dawai dashin na ki prokram sorkar bapher bapher.

Hynrei ki ASHA kawei ka jingtynjuh kaba ki iakynduh kadei kata ka jingsiew kaba ym thikna, pynban ki thom iaka sang ka ma ban iarap ia u paidbah wat ha kum kane ka por ka saw ka sian ban iakhun iaka jingwan lynsher ka khlam Covid-19.

Ka jingmihshakhmat jong kine ki ar ngut ki nongshong shnong ka Loompyrdi Iongpiah ban kyrshan pisa ia kane ka ASHA kalong ka nuksa kaba bha kaba kiwei ki dei ban bud ban kyrshan ia kine ki shipai ba khmat ka tnad ka koit ka khiah.

Haka jingialang ban aiti ia kane ka pisa la iadonlang naduh u Waheh Shnong ma Alan Niangti, L Bimee Suwer General Secretary bad kiwei kiwei ki dkhot shnong.

U Alan Niangti, Waheh Chnong Loompyrdi Iongpiah, Jowai haba kren maitphang ha ka jingialang u la ong ba ka ASHA ka dei shisha kata ka briew kaba len lade ban trei ia ka kamram kaba la bynshet ha ka khamtam ha kum kane ka por ba wan ka jingpang khlam Covid-19.

Ula nang pynshlur iaka ASHA hala shnong bad ia kiwei ruh kiba trei ha ki shnong bapher bapher ba watla ki iakynduh iaki jingtynjuh ba wan ha ki dur ki rukom bapher to long ka briew ba iaishah khlem kyrtian dien.

Kiwei kiwei kiba kren kiba kynthup iaka ASHA ka Kongka Laloo kumjuh ka kong Ribiang Najiar bad u PynsakhiatÏeini Kyndiah kiba la synniang ka jingiarap sbun mynsiem bad ruh ka jingkren pynkut na ka liang u Bimi L. Suwer, General Secretary Loompyrdi Iongpiah, Jowai.