Da ka namjop ka Lumpyrtuh, Mookyrdup bad Sohmynting sdang ka Independence Day Cup ka WJDSA

Syllad | The Rising MeghalayaAugust 5, 2025

Ka lympung ialehkai Independence Day Cup-Under-17 Football Tournament kaba pyniaid da ka West Jaintia District Sports Association (WJDSA) kala sdang haka 5 tarik Nailar da ka namjop ka Lumpyrtuh SCSC, Mookyrdup SC bad ka Sohmynting YCSC

Ia kane ka jingialehkai la pynlong ha madan Kiang Nangbah Stadium, Ladthadlaboh Jowai.

Haka jingialehkai kaba nyngkong, ka Youth & Cultural Sports Club Sohmynting kala jop da 5-4 iaka Lutituber Sports Club, Ialong kaba la wan lyngba ka jingiashut tie breaker.

Haka jingialehkai kaba bud, ka Lumpyrtuh Social & Cultural Sports Club, Mihmyntdu kala pynliem iaka 7 Wasa United da 2-0 lyngba ki kol ba la thep da u Sarene Dkhar (4) & (60+1).

Haka jingialehkai kaba khatduh ka Mookyrdup Sports Club kala jop da 2-0 iaka Mynthong Sports Club Youth Affairs Cultural. Ia kine ki kol jong ka Mookyrdup la thep da u Damanki Manar (34) bad Kular Suna (Own Goal) (36).