Da ka namjop ka Larket bad ka Pyrdung Moochut sdang ka First Division ka Saipung Block Sports Assoc

Syllad | The Rising MeghalayaSeptember 15, 2023

Ka lympung ialehkai First Division Football Tournament kaba pyniaid da ka Saipung Block Sports Association (SBSA) kala sdang da ka namjop ka Larket bad ka Pyrdung Moochut kaba long ha madan ialehkai ka Lymyrsiang haka sngi Thohdieng.

Haba phai sha ka jingialehkai ka LArket kala jop da 2-1 iaka Mookhain. U Soldis Dkhar ula thep ia kine ki ar tylli ki kol 27′, 54′. Shikol ka Mookhain SC la thep da u Rajesh Dkhar 50′.

Ka Pyrdung Moochut SC ka la pynliem 4-0 iaka Lelad SC. U Kinson Bareh 17′, u Mit Bareh 27′, u Rahuh Bareh 47′ bad u Vinson Chyrmang 68′.

Shuwa kine ki ar tylli ki jingialehkai, ka jingiakhun hapdeng ka Risingstar FC pyrshah iaka Sohiong kala kut da kaba iakhaid 2-2. Na kaliang ka Risingstar FC la thep kol da u Tolas Dkhar 24′ bad u Seiru Dkhar 46′. U Emerson Pala 46′ bad shikol kaba la mih paw haka dur ka own goal 70′.

Haka 16 tarik Nailur, ka jingialehkai kanlong hapdeng ka Evanylla FC pyrshah iaka Tongseng SC haka por 10.30 baje mynstep. Ka Thuruk SC pyrshah iaka Khaidong SC haka por 12.15 baje nohphai sngi. Ka Pala SC pyrshah iaka Daistong SC haka por 2.00 baje nohphai sngi.

Ha kane ka lympung la wan iashim bynta 16 tylli ki kynhun bad la phiah iaki haki saw kynhun.

Haka ‘Group A’ ki long ka Mookhain SC, Lelad SC, Larket SC bad Pyrdung Moochut Sc. Haka ‘Group B’ ka Risingstar FC, Sohiong SC, Pala SC bad Daistong SC.
Haka ‘Group C’ ka Thuruk SC, Khaidong SC, Shnongrim B bad Mulait Brisumer SC.
Haka ‘Group D’, ka United Biated, Tongseng SAC, Evanylla FC bad Lumshashram SC.