Da ka Mahindra Thar yn pynmih pisa ka East Jaintia District Cricket Association ban tei madan ialehkai

Syllad | The Rising MeghalayaOctober 2, 2023

Ka East Jaintia District Cricket Association (EJDCA) shibynta ban kyntiew ia ka iarong jong ka ban pyniaid shakhmat ia ki jingthmu ba bha na ka bynta ka imlang ka sahlang haka sngi Nyngkong kala pyllait paidbah iaka donation Lucky Draw jong ka na ka bynta ban ioh tei iaka madan ialehkai kaba pura jong ka synjuk.

U Additional Superintendent of Police, East Jaintia Hills District, u Bah Banraplang Jyrwa ula long kum u kongsan ba pyllait paidbah ia kine ki ticket haka jingialang kaba la long iing basa East Side Inn ha  Ladrymbai By pass, Jalyiah.

Ia kane ka jingialang la pyniaid da u vice president East Jaintia District Cricket Association u Ma Mehiwot Chadap.

La ioh ia ka kyntien maitphang na u general secretary East Jaintia District Cricket Association u Ma Tnebha Phawa uba la pynpaw ba ka thong ba kongsan ha kaba pynlong ia kane ka Donation Lucky draw ka long ban pynmih pisa na ka bynta ban shna pynbha ia ka madan ialehkai jong ka Association bad ruh na ka bynta ban ai coaching ia ki khynnah ialehkai Junior Level.

Ula iathuh ba ka khusnam kaba nyngkong (1st prize Thar Diesel top model), ka second prize ka dei da ka pisa T. 1 lakh bad ka third prize  ka long T. 50 hajar nalor ki consolation prize 5 tylli mar T. 10 hajar. Ia kane ka lucky draw yn pynkhalai haka 25 tarik Naiwieng 2023