Da ka (L) Rev. G Lamat pynkup burom ka JSBP Ratacherra ïaki samla ba pass bha

Syllad | The Rising MeghalayaDecember 26, 2020

Ka jingïaseng Samla Balang Presbyterian Ratacherra kala pynkup burom iaki khynnah kiba pass bha da ka (L) Rev. G Lamat Award haka sngi Thohdieng, kaba dei ka Christmas kaba baroh u paid khristan ki rakhe ïaka jingwan long briew U Trai Jisu sha ka pyrthei.

Kane ka jngpynkup burom kadei kum shibynta ban ithuh ia ka jingtrei shitom bad ka jingjop ki khynnah ka balang haka liang ka pule ka puthi.

Ki don 8 ngut kiba la shah pynkup burom da ka khusnam (L) Rev. G Lamat Award bad kine ki kynthup ka Hun-i Dhar Pohthmi, ka Khanburom Sumer, ka Ebhami Jungai, ka Ibanylla Surong, ka Raboni Syrti, u Decided Nyalang, u Missile Bareh bad u Ecleaster Syngkor kiba la wan shakhmat haka eksamin SSLC.

Ïa kane ka jingpynkup burom la pynlong ha ïing mane jong ka Balang Presbyterian Ratacherra.

La sam iaki khusnam da ka Kong Gracy Pohshna, ka Kong Rhemmon Pohshna, ka Kong Pynhun Pohshna bad u Tohmon Pohshna kiba dei ki khun ki ksiew jong u (L) Rev. G. Lamat.