Da ka jingpynkhuid dong pynlong ha Moopyniein

Syllad | The Rising MeghalayaOctober 2, 2021

Ka Moopyniein Socio & Cultural Sports Organization (MSCSO) kala pynlong iaka jingpynkhuid dong Moopyniein, Wapungskur bad ka jingialehkai football paralok hapdeng ka ophis u BDO Khliehriat bad ka MSCSO haka sngi kynmaw burom ïaka Gandhi Jayanti ne ka sngi kha u Mahatma Gandhi haka sngi Saitjain.

Ka MSCSO ha ka jingiatrei lang bad ka Swachh Bharat Mission, East Jaintia Hills kala pynkhuid ia ki sawdong sawkun ki lynti ki syngkeiñ kiba hapoh ka dong Moopyniein.

Na ka liang ka MSCSO ka la kyntu Ia paidbah ban kin long kiba leh khuid ym tang ha ki ïing ki sem jong ki hynrei dei ban don ka jingkitkhlieh ban leh khuid iaki sawdong sawkun ki kyndong kynshrot jong ka dong ka shnat ka baroh kawei.

Ka MSCSO ka la pynlong ruh da ka jingialehkai football da ka jingiatreilang bad ka ophis u BDO Khliehriat. Ha kane ka jingialehkai football ka MSCSO kala pynliem iaka ophis u BDO da 3-1 kol. Ha kane ka jingialehkai la wan sakhi da u BDO Khliehriat ma T Shylla bad iaka jingialang la pyniaid da u Shaniahskhem Dkhar president MSCSO