Da ka jingiakop khwai dohkha yn pynlong ka dorbar shnong Thangbuli ban pynmih pisa skul Amwi

Syllad | The Rising MeghalayaMay 13, 2025

Ka Dorbar Shnong Thangbuli kaba hap hapoh ka Amlarem Sub-Division kan pynlong ia ka jingiakop khwai dohkha ha ka 30 tarik Jymmang 2025, naduh ka 9:00 baje mynstep haduh 3:00 baje nohphai sngi, kum shi bynta ban pynmih pisa na bynta ka skul Amwi.

Ia kane ka jingiakop yn pynlong ha Thangbuli (Pung Shnong) bad ka dor tiket ka long T.1000 shi ryngwiang.

Ki khusnam ki long kumne:

• Khusnam ba nyngkong: T. 2,00,000
• Khusnam ba ar: T. 1,10,000
• Khusnam ba lai: T.1,00,000
• Khusnam Consolation ka don ar bynta- consolation A kaba mar T.10,000 haduh 5 tylli bad haka consolation B haka dor kaba T.5000 marwei 10 tylli.

Yn pynlait ia ki dohkha thymmai 5 kwintal shiteng ha ka 24 tarik Jymmang 2025, ha ka por 2:00 P.M. Katba ka jingdie iaki tiket kan sdang ha ka 29 tarik Jymmang 2025 naduh ka por 1:00 P.M.. Ym shah ban buh jaka da dieng ne siej katba ym pat dei ka por bad yn die beit shi syndon da ka sticker.

Ki kyndon ba shah ban bud ki long ba:

• Ym shah ban ai bam lypa ia ki dohkha katba ym pat dei ka por khwai.
• Yn shim jingthew ha baroh ki jait dohkha lait noh tang ka silver carp (kha hehkhlieh).
• Ym shah ban die jingdie, kyiad lait noh ki bam khwai bad ki tiar khwai.
• Shisien bala dap ki prize, ki rawon kim don hok shuh ban thaw jingkulmar.

Ka Dorbar ka pynpaw ba kino kino kiba pynmih jingkulmar kin hap ha ka kyndong shnong. Ki kyndon kan long thik kumba la ju pyniaid ha kiwei ki jingiakop khwai dohkha.

Ban tip shuh shuh, phone: 8787482210 / 6009578124.