Da ka jingiakop ialehkai Chess yn rakhe iaka lyngkhuh sngi iap U Tirot Sing Syiem

Syllad | The Rising MeghalayaJuly 12, 2022

Ka Meghalaya Chess Association ha ryngkat ka jingiatreilang bad ka Khasi Students’ Union kan rakhe pyndonburom ia ka jingdap ba 187 snem jong ka jingiap u Tirot Sing Syiem da kaba pynlong ia ka Third Tirot Sing Syiem Memorial Rapid Chess Championship 2022 ha ka 16 tarik Naitung (July), 2022 naduh ka por 9 baje mynstep ha Government Girls Higher Secondary School, Shillong.

Kane ka jingiakob ialehkai Chess kan long ha ki ar bynta – ka Open bad Under-13 bad yn pynlong da ka Swiss system kaba hynriew wat (round) bad ka por kan long shiphew minit san sekhon namar ka increment ha man ka wat.

Kiba iashimbynta ha kane ka jingiakob ki lah ban phah ia ka kyrteng, ka rta bad ka jaka sah lyngba ka SMS lane WhatsApp ha une u numbor 8258898775 lane lyngba ka e-mail ha [email protected] . Ki nongjop kin ioh ia ki khusnam (trophy) bad syrnod.