Da ka Health Mela pynlong ka Robert Hospital hapoh Laitmawsiang

Syllad | The Rising MeghalayaOctober 12, 2023

Ka Dr H Gordon Roberts Hospital, Shillong shibynta ka jingrakhe ia ka jingdap shispah snem ne ka “Centennial Jubilee Celebration” ka la pynlong da ka “Collaborative Integrated Health Mela” ha Laitmawsiang Rural Health Centre, East Khasi Hills District ha ka 10 tarik mynta u bnai.

Ia kane ka ‘Health Camp’ la pynlong ryngkat ka jingiasnohkti lang da ka Meghalaya Farmers (Empowerment) Commission bad ka  Department of Cardiology, NEIGRIHMS, Shillong ba la mihkhmat da u Dr Amit Malvya (Additional Professor), Rijuven Medicare Pvt Ltd Hyderabad ba la mihkhmat da u Uma Mahesh.

Ha kane ka prokram la pyndonkam ruh ia ka rynsan aijingsumar ba la tip kum ka “Clinic in a Bag” or Clinic without walls Solution na ka bynta ban ai ia ki lad jingsumar lyngba ki Rural Health Centre kiba don ha ki thain kiba pajih.

Ha kane ka prokram la wan iashim bynta da ki Doctor, Consultant  and Paramedical Staff na ki departments bapher bapher kum ha ka Medicine, General Surgery, Paediatric Surgery, Child Health, Orthopaedic, ENT, Dentistry, Endoscopy, (Eye Check up) Bansara Eye Care, Dialysis Unit, Dietary, Physiotherapy, Chaplaincy, Laboratory investigations, Blood Centre and Cardiology(NEIGRIHMS) ha kaba la ioh ruh ban sam ia ki dawai dashin sha baroh ki nongpang kumjuh ki brut bad dawai shut bniah sha ki khynnah kiba la wan ban iashim bynta.

Baroh ki don ahduh 971 ngut ki nongwan iashim bynta ha kane ka Health Mela na ki 28 tylli ki shnong kiba hap hapoh ka jingpeit jingkhmih jong ka Laitmawsiang Rural Health Centre.