Da ka FIR yn ujor ka bor synshar district EJH iaki karkhana Coke beaiñ

Syllad | The Rising MeghalayaAugust 17, 2021

U Deputy Commissioner, East Jaintia Hills District Bah E Kharmalki un ai da ka jingmudui ejahar ne FIR ia baroh ki karkhana saiñ rnga dewiong kiba trei beaiñ hapoh ka district.

Ia kane u DC ula ong haka jingleit iakynduh ki nongialam ka Environmental Coordination Committee (ECC) haa sngi ba Ar.

Ha kane ka jingleit pan jingshai ka ECC na u Deputy Commissioner ba kiba bun ki karkhana kiba ioh tang iaka Consent to Establish (CTE) bad khlem ka Consent to Operate (CTO) na ka MSPCB, pynban kila iaid shakhmat ban pynmih ia u rnga dewiong.

U Publicity secretary ECC ma Mewothi Shadap, ula ong ba nakaliang u DC ha kane ka jingiakynduh ula ong ba un ai da ka jingujor ejahar ia baroh ki karkhana kiba bym shym la kohnguh ia ki jingpynbna kiba ula pynmih bad yn khang mardor ia kine ki karkhana.

Ka ECC kala ai por haduh 20/08/2021 ia u DC ban khang khyrdep ia kine ki karkhana beaiñ kiba la jyllei kum ki tit ha Elaka Sutnga, East Jaintia Hills District.

“Lada ka bor synshar district kam pyni ia kino kino ki kam, ka ECC kam banse ban shim da kiwei pat ki sienjam kiba kham tyngeh bad lada jia mih kino kino ki jingklumar ka bor synshar district kan hap ban shim iaka jingkitkhlieh,” la ong u kyrwoh ka ECC.