Da ka fete yn pynlong ka Synjuk Waheh Shnong Ri Jaintia, khot ia baroh ki shnong ban iatreilang

Syllad | The Rising MeghalayaNovember 16, 2022

Ka Synjuk Waheh Shnong Ri Jaintia kala rai ban pynlong da ka fete haka 25 tarik Naiwieng 2022 ha madan Wahsalu kaba ha Sabmuswang, West Jaintia Hills District.

U president SWSRJ u Army Lipon ula ïathuh ba kane ka fete ka dei kaba la thmu ban pynlong haka 19 tarik ha Phramer, hynrei na ka daw bym biang ka jaka bad ka jingslem ban ïoh NOC a pynkynriah noh sha Sabahmuswang.

Ka Synjuk ka la khot ka wer ïaki nongshong Shnong jong ka rilum Jaintia ban ïasnohkti lang ha kane ka Fete ban kyntiew ïaka ïarong pisa jong ka Synjuk na ka bynta ban tei ïaki artylli ki ophis treikam jong ka Synjuk haki artylli ki District jong ka East Jaintia bad West Jaintia bad kiwei de ki kam kiba ka Synjuk ka trei ba bynta ka bha ka miat bad ka roi ka par haka ri Jaintia.

Ka Synjuk ka la kyrpad ïaki Dorbar Shnong ba kin nym pynlong ïaki Fete lane ki tamasa ïadaw masi bad lada long kaba lah la kyntu ban pynkynriah ïaki tarik khnang ban ym ïatyngkhuh bad ka tarik fete jong ka Synjuk Waheh Shnong Ri Jaintia.

U Secretary ka Fete Committee u Tellme Phawa ula ïathuh ha katei ka sngi yn don ka ïadaw masi bad haka janmiet yn wan pynshongshit da ki kynhun tem (Band) bad ka DJ Night nalor kiwei kiwei ki jinglehkai bad ki jingdie iaki jingbam.