Da ka core committee la thaw ban iakren iaka bhah thung kam ha rilum Jaintia

Syllad | The Rising MeghalayaSeptember 10, 2023

Ka Jaintia Coordination Committee on Reservation Policy (JCCRP) kala rai ban thaw da ka core committee naka bynta ban iakren sani bha iaka bhah thung kam thung kaba thymmai ka Jylla.

Ia kane ka rai la shim haka jingialang kaba long haka 9 tarik Nailur haka jingialang kaba long ha Ladthadlaboh indoor hall haka jingialang ka Dorbar Ki Khon Ka Ri Jaintia

Ha kane ka jingialang la iadonlang u Prof.P M Passah, Advocate Erwin Sutnga ,U Ma Garlan Rymbai -Ex President JSU u ma D.Pde u nongialam shnong ba mih khmat iaka Synjuk ki Waheh Chnong Jowai bad kiwei kiwei nalor ki seng ba trei kam bhalang kiba kynthup iaka JSU, JYF, JNC bad kiwei.

U Chairman ka JCCRP u samla Jersom Shylla ula ong da kawei ka sur ha kane ka jingialang baroh ki nongkren kila pynpaw ba ka sorkar lyngba ka Expert Committee kam dei ban shimpor haduh shi snem ban pyndep ha kaban khmih bniah iaka Reservation Polcy, hynrei ka dei ban kham pynkloi namar ioh ka long tang kum ka buit baka sorkar kan ioh buhteng bad ban pynslem kai iaka por ha kaban khmih biang iaka bhah thungkam thungjam

Ha kane ka core committee halor ka Reservation Policy la rai ban kynthuplang iaki riew stad riew shemphang ryngkat ki nongialam ki seng trei kam bhalang ban shong pyrkhat halor kane ka kam, la ong u Jersom uba long ruh u president ka JSU.