Da ka concert yn rakhe lyngkhuh snem ba 32 snem ka Nongbareh Lyntiar Secondary School

Syllad | The Rising MeghalayaMarch 1, 2019

JOWAI: Ka Nongbareh Lyntiar Secondary School kan rakhe ia ka jingdap 32 snem jong ka jingiaid lynti ka skul ha ka 7 tarik Lber 2019 ha Madan skul Nongbareh Lyntiar Secondary School ha ka por 11:00Am mynstep.

Ha kane ka jingrakhe yn pynkup burom ia ki khynnah skul barim kiba wan sha khmat ha ka exam matrik (SSLC) jong ki bad ha kane ka sngi yn pynkup burom ruh ia ki Riew Rangbah jong ka shnong.

U Kongsan ha kane ka jingrakhe lyngkhuh snem ka skul Nongbareh Lyntiar u dei u MLA ka thaiñ uba long ruh u Myntri tnad Pule Puthi U Ma Lahkmen Rymbui.

Kumta ka SMC ryngkat ka Dorbar Shnong ka khot ka wer ia baroh ki khynnah skul barim ba kin sngewbha ban pyllait por khnang ban ia don ryngkat ha kane ka jingrakhe dap 32nd snem jong ka skul bad kumjuh ruh ngi kyrpad ia ki para jan shnong para jan thaw ba phin sngewbha ban ia poi lang ha kane ka sngi.

Ka Dorbar Shnong Nongbareh Lyntiar kan pynlong ia ka Educare Evening Musical Concert ha kane ka juh ka sngi (7th tarik Lber 2019) ha Madan Phutbol Nongbareh Lyntiar ha ka por 3pm shaneng.

Ha kane ka Concert yn wan pynshongshit da ki kynhun Nongtem (4tylli ki Band na ki 3District jong ka Jylla Meghalaya) ba pawnam jong ka Jylla

Kine ki kynhun tem ki kynthup ïaka Saldorik S. Dio & The Abikhas (Tura), Adroit (Shillong), The Lynx (Jowai) & False Alarm (War Jaintia).

Kin don ruh ki jingialehkai ba bunjait bad ka lucky draw ki ban pynbyrngia ia ki nongwan. Ka Kong Dolly Khonglah, Secretary Meghalaya Exporter and Importer Chamber of Commerce kanlong kum ka kongsan haka concert bad ka symbud kongsan ka dei ka Kong Dukane Tariang, Exporter.

Ia ki Entry Ticket phi lah ban ioh ha kine ki dukan harum hapoh ka 5th Lber 2019 na dukan M/s. Mukhim General Store, Amlarem, Mr. Missionroy Nyalang DTP Shop, Amlarem, Mrs. Susa Jungai, Amlarem. Lane phi lah ban phone ha kine ki number (M) 8837486938/8837011322.