Da ka Blood Donation camp pynlong ka Seng Samla Balang Katholik Mihmyntdu

Syllad | The Rising MeghalayaOctober 2, 2023

Ka Seng Samla Balang Katholik, Mihmyntdu ryngkat ka jingiatreilang ka Jingiaseng Samla Balang Presbyterian,Mihmyntdu bad ka Ai Jingim foundation haka 30 tarik kila pynlong ia ka Blood Donation camp ha RC Eve Secondary school Mihmyntdu. Kane ka dei ka sien kaba San ba ka  Seng Samla Balang Katholik Mihmyntdu ka la pynlong ia kum kane ka prokram ha ryngkat ka jingiatreilang bad kiwei de ki seng.

La sdang ia kane ka program da ka jingialum lang hapoh RC Hall ha kaba la don ka program ba lyngkot ia kaba la pyniaid da u Ma Fredrick Synnah, Chairman Parish Pastoral Council ka Jowai Parish.

Ha kane ka prokram la donlang u Ma Octomewot Lamin Nominated MDC JHADC, u Fr. Hilarious Lamare, Parish priest Jowai Parish, ka Dr. P Shylla Senior Medical Officer in-charge Blood Bank Jowai, u Dr. D Shylla, District Medical Officer East Jaintia Hills, u Bah Phillip PB Marwein, founder member ka Ai-jingim Foundation, u waheh Shnong ka Mihmyntdu u Ma Abul Phawa, u Samla Emanuel Sumer, Chairman ka Jingiaseng Samla Balang Presbyterian Mihmyntdu, ki Nongialam ka Balang Katholik Mihmyntdu bad kiwei kiwei.

U ma O. Lamin u la ai ka jingiaroh ia kine ki artylli ki Seng kiba la shim ia kane ka sienjam ba khraw ban len ialade na ka bynta ban ai jingim ia kiwei. U la kyntu shuh shuh ruh ia ki nongpyniaid ba ki dang donkam ruh ban kham pyniar shuh shuh ia ki awareness halor kane ka phang khnang ba ki briew kin ym sheptieng ban aisnam.

U Bah Philip Marwein, Founder member ka Ai-jingim Foundation u la ong ba ka snam ka dei ka jingai ei ba kyrpang jong u Blei kumta ngi ruh ngi donkam ban ai ei iaki parabriew kiba donkam jingiarap.

Ha kaba kut jong ka program la ioh ruh ia ka jongsam ia khusnam ia ka nongjop jong ka drawing competition ba la pyniaid da ka Seng Samla Balang Katholik.