Da ka All Party Committee thaw ka Sorkar ban aijingmut halor ka lynti rel

Syllad | The Rising MeghalayaApril 3, 2025

Ka Sorkar Jylla ka la thaw da ka All Party Committee ba kin aijingmut halor ka phang kaba iadei bad ka jingpyniasoh lynti rel ha ka jylla Meghalaya.

Ka jingpynbna ba la pynmih da u Chief Secretary u Bah DP Wahlang ha ka 3 tarik Iaiong ka ong ba ia kane ka Committee yn khlieh da u Myntri Rangbah ka Jylla lane da kino kino ki Myntri ia kiba yn thung da u Myntri Rangbah.

La kyntu ia baroh ki seng sain pyrthei ba kin phah ia arngut ki nongmihkhmat sha kane ka Committee. Ki Tnad sorkar kiba don jingiadei bad kane ka phang ruh kin shah khot sha kane jingialang ia kaba yn pynlong da kane ka Committee.

Katkum ki kyndon treikam, la bthah ia ka Committee ba kan shong bishar bad wad ia ki lad ki lynti ban pynbeit, ki lad ki lynti ka ban lah ban wanrah ia ka jingshna lynti rel ha Meghalaya.

Ka Committee kan bishar bniah ruh halor ka jinglut jingsep kaba iadei kaba iadei bad ka jingwanrah ia ka lynti rel hapoh ka Jylla. Kan pan jingmut ruh na baroh ki kynhun bad hadien kan sa aiti ia ki jingai jingmut sha ka sorkar Jylla.