Da jingmareh ‘Run for Unity’ ha East bad West Jaiñtia yn rakhe ïaka sngi kha u Vallabhai Patel

Syllad | The Rising MeghalayaOctober 29, 2019

JOWAI: Ka ophis u District Sports Officer, East bad West  Jaiñtia Hills District kan kan pynlong ïaka jingmareh marathon kaba la tip kum ka National Unity Day Run haka 31 tarik u bnai Risaw kaba sdang naduh ka poir 6:30 ha baroh ar tylli ki District.

Kane ka jingmareh marathon kadei kum shibynta ban rakhe ïaka lyngkhuh sngi kha u Sardar Vallabhai Patel (Rashtriya Ekta Diwas). U Sardar Vallabhai Patel u dei nongialeh laitluid ba wanrah ïaka jingtylli ki Jylla ha ri India.

Ha Jowai la pynlong ïa kane ka marathon da ka ophis u Deputy Commissioner, u DSO bad ka District Sports Promotional Society.

Kane ka jingmareh kan sdang na Kiang Nangbah Stadium, Ladthadlaboh sha Kiang Nangbah College, By Pass Jowai, ban mih biang sha surok Shillong Jowai, Police Point bad yn pynkut ha Kiang Nangbah Stadium.

Ha Khliehriat, East Jaiñtia Hills District kan sdang na ophis u Deputy Commissioner, East Jaiñtia Hills District.

Ka ophis u DSO East bad West Jaintia kala khot ka wer ïaki khynnah, samla, rangbah ban wan ïashimbynta ha kane ka marathon bad kan don ruh ka khusnam pisa ïaki nongjop bad ki sopti.