COVID-19: Da ki tyndong synreit & dawai khniang kner jingiarap u ma Wailadmiki Shylla ha Jowai

Syllad | The Rising MeghalayaMay 23, 2020

U MLA jong ka Jowai Ma Wailadmiki Shylla ula synniang jingiarap da ki tyndong synreit (spray pump) bad ki dawai pyniap khniang Sodium Hypochlorite sha baroh ki shnong kiba hap hapoh ka Jowai Constituency haka sngi Saitjain.

Ia kine ki tyndong synreit bad dawai la sam ha indoor hall jong ka Chutwakhu Social Welfare Local Durbar, Jowai.

Nalor u MLA la iadonlang ka kong Rimaya Manner, CEO Jowai Municipal Board, MDC ka JHADC ba kynthup ia u ma Brightstar Chyrmang, Octomewot Lamin bad u ma Lakhon Dkhar. Ia ka jingialang la pyniaid da u Assistant Waheh Shnong Chutwakhu Philander Well Lyngdoh.

Ha kane ka jingsam dawai pyniap khniang la iadonlang ki waheh shnong na kylleng ki shnong hapoh ka constituency kiba la kot haduh 42 tylli bad kine ki tiar kila kot haduh 97 tylli bad la sam katkum ka jingheh ka shnong.

U Ma Wailadmiki Shylla haba kren ula ong “Ngin hap ban im bad ka khlam COVID-19, hynrei ki dei ban long kiba phikir ha kino kino ki kam kiba ngi trei khnang ban lah ban pyndap iaka jingdonkam ha ki iing ki sem ki jong ngi.”

Ula ong ka jingai ia kine ki dawai pyniap khniang sha ki shnong bapher bapher khnang ba ki shnong kin ioh ka lad ban synreit dalade ia kine ki dawai pyniap khniang hala ki jong ki shnong ban pyniap iaki khniang.

Ula kyntu ruh baroh naduh ki khynnah haduh kiba rangbah dei ban bud ryntih iaka jingbthah ka tnad ka koit ka khiah ban ban pyndkut bad ban tem iaka jingpur kane ka khlam kaba la sar ha kylleng ki ri ka pyrthei.