Pynbna Containment Zone iaka Khliehriat, khang skul baroh ka EJH

Syllad | The Rising MeghalayaMay 3, 2021

U District Magistrate, East Jaintia Hills District, U Bah E Kharmalki IAS, ula pynbna contaiment area iaka Khliehriat East bad Khliehriat West haka sngi U Blei.

Ia kane ka containment la pynbna katkum ka report jong ka tnad ka koit ka khiah ka district hadien bala kiew ka jingiabit khlam COVID-19 jong ki briew ha East Jaintia Hills District ban pyrkhing iaka rukom ka leit wan lane ka rung ka mih ki briew ha Khliehriat East Bad Khliehriat West.

Kane ka containment kan treikam naduh 5 AM jong ka 4 May (Jymmang) haduh 6 AM jong ka 10 Jymmang 2021.

Ki kam ba shah ban plie dei tang ki essential activities ne ki kam kiba donkam ia u paidbah.

Na bynta ka medical emergency ne ki jingleit shim dawai bad shah sumar la bthah ban shim car pass da kaba aplai online ne da kaba ai jingthoh ha u District Magistor.

Shuh shuh ha kawe pat ka hukum u Magistor ula hukum ban khang ia baroh ki skul ha East Jaintia Hills District.

Ki dukan sha bad ja, dhaba, restuarant hotel, ha shilynter ka surok bah NH 6 ruh la shah ban plie tang da kaba song ne take away basis.

Ki iew kiba la pyrkhing bad pyntreikam iaki kyndon pynjari ki kynthup iaka Ladrymbai Khliehdupon, Ladrymbai B, Ladrymbai Dongwah bad Datsympein, Byndihati, Chiehruphi, Soo Kilo, Umpleng, Lumshnong bad ka iew Nongjri.

Ha baroh kine ki iew la bthah ia u paidbah ban bud ryngkhi iaki adong adit sorkar bad Bor synshar district ban tem iaka jingpur u khlam COVID-19.