Byrthen pynjur iakhih ka JYF halor ka jingduh admission ki samla pule ha Jowai

Syllad | The Rising MeghalayaNovember 15, 2021

Ka Jaintia Youth Federation (JYF) ha ryngkat ka Jaintia Students’ Movement (JSM) kila byrthen ban pynlong jingiakhih hadien ba ka sorkar kam lah satia ban pynbiang jaka pule iaki samla ban rung klas XI ha Kiang Nangbah Government Higher Secondary School.

Ka jingialang kyrkieh ka JYF kaba long haka 13 tarik une u bnai kala rai ban iaid shakhmat ban pynlong iaka jingiakhih namar ba kuman ka sorkar ban pynioh admission ha katei ka skul sorkar.

Ka JYF kala ong ba nakaliang ka tnad pule puthi, kumjuh u Myntri Rangbah ka Jylla Conrad K Sangma dangshen ula kular ban shimkhia ban pynioh admission lut ia baroh ki samla kiba don kumba 140 ngut eiei bym pat ioh admission, pynban haduh mynta kam don kino kino ki dak ki shin ba ka sorkar kan thep ia kine samla ha katei ka skul.