Byrthen iakhih paidbah ka synjuk muster roll bym ioh bai bylla

Syllad | The Rising MeghalayaOctober 13, 2020

Ka synjuk ki nongtrei muster roll hapoh ka lama jong ka All Jaintia Muster Roll Workers & Labour Union (AJMRWLU) kala byrthen ban iakhih paidbah lada ym ioh bai bylla hapoh 17 tarik une u bnai Risaw.

Ia kane ka rai la shim hadien ka jingiakynduh ki nongialam ka Muster Roll bad u Ma M Pohsnem, Assistant Executive Engineer ka PWD (Rds) Border roads, Amlarem Civil sub division, uba laiathuh ba  ka bor ban pyllait iaka bai bylla jong ki ka sah ha u EE jong ka PWD South Jowai Division.

Nakaliang ka ophis kala dep phah man la u bnai sha ka division sha Jowai ïa ka bai bylla sngi jong ki nongtei muster roll ha Amlarem Sub Division.

Mynta, ka bor ka shong ha u Executive Engineer PWD(Rds) South Jowai division, Jowai ban siew pyndep ïa ka baibylla sngi kaba dang sah baroh.

Ka AJMRWLU kala ong ba kin ai por tad haduh 17/10/2020 bad lada kane ka ophis kam pyllait iaka bai bylla jong ki kin pynlong iaka jingiakhih paidbah namar ba baroh kiba trei muster roll ha Jowai Circle kaba hap haka ophis u Chief Engineer PWD (Rds) kila dep ioh lut iaka bai bylla jong ki.

Katba ka South Jowai Division naduh u bnai Iaiong 2020 haduh Nailur 2020 kam pat lah ban siew iaka bai bylla jong ki muster roll.