Byrngem u CM ban blacklist ia ka company ha ka jingleit jurip ia ka jingkieng ba ujor da u Myntri

Syllad | The Rising MeghalayaMay 28, 2025

U Myntri Rangbah ka Jylla u Conrad K Sangma haka 27 tarik Jymmang u la leit jurip ia ka jingkieng kaba dang pyntrei halor jong ka Dama Chiring ha Masa Akong ( ba ju tip kum ka Cinema Hall) kaba don ha Williamnagar.

Kane ka jingleit jurip ka la wan lang ruh hadien ka jingujor da u Myntri sorkar u Marcuise Marak ha kaba iadei bad ka jingpynslem ban pyntrei ia kane ka jingkieng.

Ha kane ka jingleit jurip u Myntri Rangbah u la maham ryngkat ia ka Company kaba pyntrei ia kane ka jingkieng ba ka dei ban pynsted shaid shaid ia ka kam bad bthah ruh ba kan ai ia ka kaiphod halor ka jingiaid jong ka kam kaba man la ka sngi.

Nalor kata u la maham ruh ba ka jingbym lah ban pyndep ha ka por ba ka buh kan lam sha ka jingshah pynngat dak iong ne blacklist bad ban khang syndon ia kane ka company ba kan treikam hapoh Meghalaya.