Bynñiaw ka Seng Khasi Mawlai ba duh noh ïa u wei na ki nongseng

Syllad | The Rising MeghalayaJune 3, 2024

Hadien ba ka Seng Khasi Mawlai ka lah ïoh pdiang ïa khubor kaba sngewsih ha ka step jong ka 3 tarik u Jylliew halor ka jingkhlad noh jong u Rangbah Donsap Sing Khongtim, uba long u nongaibuit jong ka Seng.

Ka Seng Khasi Mawlai ka la lum kyrkieh ïa ka jingïalang sngewlem ban pyrto ïa u synñiang u bynhei uba une u Rangbah u la noh sha ka Seng. U Rangbah Donsap Sing Khongtim, u dei u wei na ki nongseng jong ka Seng Khasi Mawlai ha u snem 1982. U la bat ïa kiba bun ki kam ha ka Seng bad khlieh ruh ïa ka Cultural Committee da bun bun snem. Dei hapoh ka jingïalam ba stad jong u ba ka Seng ka la lah ban sdang ïa ka Shad Suk Mynsiem hapoh ka Seng Khasi Mawlai ha u snem 1994.

Ha kum kane ka por ba sngewsih, ka Seng ka phah ïa u kyrwoh sngewlem sha I kurim jong I, ki khun, ki para bad ki pyrsa baroh.

Ka jingpynkhuid bad jingleh-niam ba khatduh ïa ka met basah jong I kan long haka 5 tarik Jylliew 2024 ha u Lum Jingthang Jong ka Seng Khasi Kmie, ha Jaïaw.