Bym kohnguh ki karkhana Coke beaiñ ban khang, ujor ejahar u DC EJH

Syllad | The Rising MeghalayaAugust 18, 2021

U Deputy Commissioner ka East Jaiñtia Hills ha ka sngi ba Ar u la mudui da ka jingujor ejahar pyrshah ïaki karkhana saiñ rnga dewïong be aiñ bad ki bym shym la kohnguh ban khang khyrdep ïaki karkhana wat hadien ba u la dep ban ai ïa ka hukum.

Kaktum ka ejahar bala ai u DC sha u SP, u DC u la ong ba ha ka 15 tarik Naitung, 2021, ka bor district kala pynmih iaka hukum ban khang khyrdep iaki karkhana saiñ rnga dewïong beaiñ kiba don ha East Jaiñtia Hills.

Ki Magistrate ki la khang khyrdep ia kine ki karkhana kiba khlem pat ïoh ïa ka CTO (Consent to Operate), pynban la lap ba kine ki karkhana ki dang treikam bad bteng ban saiñ rnga dewiong.

U DC u la ong ruh ba kito ki karkhana kiba la ïoh ïa ka CTO ki lah ban treikam bad kiba ioh iaka CTE (Consent to Establish) ki lah ban thang ban pynshit iaka jaka sain rnga ne ka oven.

U DC ula kyntu ia u SP ba kala donkam ban khang ia baroh kine ki karkhana beaiñ bad ban pynthikna ba kim dei shuh shuh ban treikam kine ki karkhana ki bym don iaka CTE bad CTO bad ban pynngat iaki hapoh ka kyndon aiñ 188 IPC bad kiwei kiwei ki kyndon aiñ.

U DC ula ai ia kane ka jingujor ejehar hadien ba ka Environment Coordination Committee (ECC) kala pan jingshai na u DC halor ka jingtreikam ki coke factory beaiñ ha katei ka district.