Bym ioh iaka bai kit mar kaba hun, rai khang ka JAC iaki trok ban kit mar na Lumshnong sha Assam

Syllad | The Rising MeghalayaApril 17, 2025

Ka Joint Action Committee (JAC) kala pynbna iaka rai ban pynlong da ka jingiakhih kaba khlem buh por ne Indefinite Strike ban khanglad iakı trok kit cement kit clinker na Lumshnong sha Assam ka ban sdang naduh ka 22 tarik laiong ha Tuber Tahkhniang, East Jaintia Hills District

Ia kane ka rai ka JAC kaba kynthup iaka Jaintia Hills Truck Owner’s Association (JHTOA), Meghalaya Commercial Truck and Driver Association (MCTDA) bad All Jaintia Cement and Clinker Transportater’s Association (AJCCTA) kala shim haka jingialang kaba la long haka 17 tarik laiong ha Phramer.

Ka JAC da kawei ka sur kala rai ban pynlong iaka jingiakhih kaba khlem buh por halor ka jingbym patiaw ki karkhana pynmih khyndew bilat iaka dor bai kit bai bah kaba ka JAC kala dawa 1500 tyngka shiton.

Halor katei ka bai kit bai bah, u Chairman Ma Biangshwa Shylla ula ong ka JAC kala dep ban aiti da ka shithi shaki karkhana pynmih khyndew bilat ba don ha East Jaintia Hills District bad kala dep ruh ban pynkynmaw iaki hynrei na ka liang kitei ki Cement Factories kim shym la patiaw ia kane ka dor bad ka JAC kam banse ban pynlong da ka Indefinite Strike ban khanglad ia baroh ki kali kit cement kit clinker katba kim pat lah ban pdiang ia kane ka dor.

Kane ka jingkhang kali kan long tang iaki kali kiba load na Lumshnong sha Assam.

Kumta la kyrpad iaki trai trok ban iamih paidbah ha katei ka sngi bad kyrpad ruh iaki paidbah ban ai ka jingkyrshan iaka jıngdawa jong ka JAC.