Buh noh iaka Police Outpost haka thain Barato ong u Leningstar Rymbai ïaka sorkar

Syllad | The Rising MeghalayaJune 25, 2020

U Leningstar Rymbai president jong ka Jaintia Students’ Movement (JSM) ula ong “Ka sorkar kala dei ban buh noh iaka Police Out Post ha Barato ban tem iaki kam sniew bad ki kam thombor ka Assam ha kane ka shnong kaba don ha khappud bad ka Assam Meghalaya.”

“Ngi kyrshan iaka jingdawa jong ka dorbar shnong Barato ban buh Police Out Post ha Barato bad na kaliang ka JSM ruh ngin buddien ia kane ka jingdawa kaba la buh ha khmat ki Myntri Kam Pohiing bad ka Sorkar Jylla,” ong u Leningstar haba kren haka jingpynkha iaka tnad JSM- Barato Zone haka sngi Balang.

“Lada wan ka Police Out Post ha kane ka Shnong kan wanrah shibun ki jingmyntoi ia u paidbah nongshong shnong bad kan don ka jingshong shngain ha ka thain Barato nalor kiwei ki shnong khappud kum ka Mukroh, Saba bad kiwei kiwei,” la ong shuh shuh u Leningstar Rymbai

Kumban shu pynkynmaw ba ka Dorbar Shnong jong ka Shnong Barato ha u Bnai Nailar 2019 kala wan ai da ka dorkhat ha u Myntri Kam Pohïing barim ka ka Jylla u James K Sangma. Kane ka jingdawa out post ha Barato ka dei kabala neh da ki phew snem, hynrei haduh mynta kam don kino kino ki dak ki shin.

Ha kane ka jingthaw tnad thymmai ka JSM, kiwei kiwei kiba kren ki kynthup president JSM Eastern Region Shnalad Rymbai, Ka Bythygrace Dkhar haka jingialang kaba u Skhembhalang Dkhar u ba long u  Vice President.

Ki nongkitkam jong kane ka unit la kynthup President U Nishwa Dkhar, Secretary U Pynslemmi i  Paslein, Assistant Secretary U Tomansuk Lamare, U Education Secretary U Heingait i Sten, Publicity Secretary Ka Odashngain Lytan, Organising secretary Ka Pynibha Lytan, Financial Secretary Ka Shebamon Pala ia kiwei kiwei ki post la la aiti ha  ki nongialam katei ka unit ban leh ia kaba donkam kat kum ka jingsngewthuh jongki.