Buh maw nongrim ban pynkhie im iaka sawdong sawkun ka Wah Umkhrah haka jinglut kaba T.39 klur
U Myntri Rangbah ka jylla u Conrad K Sangma haka sngi Balang, ula ong ba ka sorkar kala long kaba pynkhreh da ki har rukom ki buit na ka bynta ban pynkylluid bad pynitynnad iaka Shillong.
Ula Conrad ula ong ka Shillong ka dei ka nongbah kaba donnam, kaba la long ka nongbah jong ki thaiñ lam mihngi shuwa ka jingioh laitluid bad ha ka por ba dang hap lang bad ka jylla Assam. Hynrei hapdeng kane ruh ym shym la ïohi satia ba ka nongbah Shillong kan kiew kumba ka dei hok ban ïoh. Ka sor kala bun briew kaba la wanrah iaki jingeh ban wanrah iaka roi ka par bad ka jingshakri. Ngi buh ia kine iaka jingmut jingpyrkhat bad ngi la shim kiba bun ki sienjam pyntreikam kiba lah ban pynjem iaka jingkhapngiah bad wallam ka jingpynitynnad ïa kane ka nongbah Shillong,” la ong Myntri Rangbah Conrad k Sangma haba buh ia u mawnongrim ka Wah Umkhrah Riverfront Development Project ha Polo, Shillong ha ka jingdonlang u Symbud Myntri Rangbah ka Jylla ba dei khmih ka tnad Urban Affairs u Ma Snaiwbhalang Dhar bad u Myntri ka tnad Animal Husbandry and Veterinary u Bah A.L. Hek.
Ka Wah Umkhrah Riverfront Development Project ka dei kaba la thmu ban wanrah ban pynkhie im biang iaka wah bad ban pynbha pynmiat da kaba shna ki jaka pynbyrngia, ki jaka ba ïadei bad ka lariti bad ki kam ha ka imlang ka sahlang, bad kane ka jingshna ka dei kaba lah mang ban pynlut T.39 klur tyngka. Kane projek ym shym la mang satia tang ban pynhie im iaka sawdong sawkkun ka Wah Umkhrah hynrei ban wanrah ka jingitynnad kaba lah ban khring katkum ka por bad ki juk kiba mynta.
Ula pyntip ba tang jingpynitynnad iaka rudnong ka wah Umkhrah kam don jingmut, u Myntri Rangbah u la ong ia kane ka projek la sdang da ka jingiatrilang bad ka tnad Jal Shakti, jong ka sorkar India na ka bynta ban pynkhuid ka Wah Umkhrah bad ka Wah Umshyrpi.”
U la ong ba ka sorkar pdeng kala bthah ïa ka sorkar jylla ban khmihbiang halor ka jingtyrwa na ka bynta ban pynkhuid ka wah Umkhrah bad Umshyrpi kaba ka sorkar pdeng kala ai jingmynjur ban pynkhie im biang ia kine ki wah ba kongsan.
Ula khot ka jingiatreilang jong baroh kiba don bynta bad u la buh ka jingkyntu ïa ki dkhot ka imlang ka sahlang ba kin snohkti lang ban pynthikna halor ka jinglah ban pynpoi ïa kane ka projek sha ka thong lyngba ka jingai jingïada ïa ki wahheh bad ki wahduid kiba la long ki dak jong ka jingithuh paw ka nongbah Shillong.
Ha kaba iadei bad ka jingkhapniah ka sor Shillong, u la ong ba ki don bun ki jaka kiba la mang na ka bynta ban pynïeng kali bad ban buh ki jaka jong ki nongdie madan. U la pyntip ruh ba ka jaka kaba don ha Polo kata hapdeng ka Hotel Polo Towers bad ka Majestic Hotel, kaba lah shuh ieh khlem pyndonkam ei ei yn sa aiti noh sha ka tnad Urban Department na ka tnad Forest Department bad ban pynkylla kum ka jaka pynïeng kali.
U la bynrap ba ka sorkar ka la dep ban jied ia kiba bun ki jaka kynthup iaka Meghalaya Secretariat ban pynkylla sha ka jaka pynïeng kali.
Ha ka jingkren pat bad ka jingkhapngiah ha Khyndailad bad Iewduh kaba la mih na ka daw bym lah ban tehlakam halor ka rukom pynïaid kali, u Myntri Rangbah u la ong, “ka sorkar ka dei kaba la dep ban khmihthuh ki jaka ba khapngiah bad ka don jingthmu ban shim kiwei pat ki sienjam bal ah ban pynduna ka jingkhapngiah ha kine ki artylli ki jaka ïew bad ka jaka ba lah ban pynïeng ïa ki bus bad ki taksi”.
Ha kane ka program na ka liang u Myntri Rangbah bad u Symbud Myntri Rangbah ka jylla ki la aiti ruh ki cheque kiba kot sha ka T.75,000 bad T.1,50,000 hapoh ka jingmang ba la tip kum ka My City Campaign sha kiba bun ki Dorbar Shnong kiba don ha nongbah Shillong.
Facebook
Instagram
Youtube
Twitter
Leave a Reply