Buh khyrdop u MLA Nartiang ha Wah Myntang

Syllad | The Rising MeghalayaApril 16, 2021

Ka Jaintia Student Movement (JSM) Nartiang Circle kala kynnoh ba u MLA ka thaiñ u Ma Sñiawbhalang Dhar ula buh da ka khyrdop ban khang iaka lynti ban leit sha ka wah Myntang, ha Nartiang.

La ong ruh ba la buh da ka por ban rung ban mih sha ka Wah Myntang, kata naduh ka por 7 AM mynstep haduh 6 AM bad hadien kane ka por la khang lynti ia ki briew kiba kwah ban rung da ka kali sha ka Wah Myntang.

“Ka wah Myntang kadei ka wah kaba pyndonkam da kiba bun ki nongshong shnong kumjuh ki bar shnong kiba sngewtynnad ban leit khwai, hynrei kaba lyngngoh ka long ba ïa katei ka wah la khang lynti noh bad bun ki nongleit nongwan ki la sahkut ha katei ka khyrdop,” kynnoh ka JSM.

Ka JSM kala ong ba ka don ka par jong kiba haiing u MLA ha katei ka jaka, hynrei kila pynpaw ka jinglyngngoh bad kynthoh balei ba hap ban buh da ka khyrdop ha katei ka lynti kaba la pynthud iaka leit ka wan u paidbah. La kynnoh ruh ba u MLA ka thain ula pynsniew iaka surok ban rung sha ka Wah Myntang tang namar

Ka JSM ka kynnoh ba u MLA ula pynsniew ïaka surok ban leit sha katei wah bad la dawa ban maramot ia kane ka surok na u MLA.

Ka JSM ka ai por shitaïew ïa u MLA ban weng ïa katei ka khyrdop lym kumta ka JSM kan weng hi bad kan shna hi iaka surok.